La tecnuluggìa di siparazzioni di mimbrani si rifirisci â siparazzioni silittiva di misceli di muleculi cu grannizzi di particeḍḍi diversi a liveḍḍu muliculari quannu passanu attraversu na mimbrana semi-pirmiàbbili. Na mimbrana semi-pirmiàbbili, canusciuta puru comu mimbrana di siparazziuni o mimbrana di filtru, avi li pariti cummigghiati di pori picciriḋḋi. ‘N basi â grannizza dî pori, si po classificari comu: micrufiltrazzioni (MF), ultrafiltrazzioni (UF), nanufiltrazzioni (NF), osmosi nversa (RO), ecc. La siparazzioni dî mimbrani usa mètudi di filtrazzioni a flussu ncruciatu o di filtrazzioni a fini morta.
La tecnuluggìa di siparazzioni di mimbrani è na tecnuluggìa emergenti ca usa na mimbrana di siparazzioni comu nucliu pi siparari, cuncintrari e purificari li sustanzi. Sta tecnuluggìa è nu mètudu di siparazzioni usannu na mimbrana semi-pirmiàbbili. Siccomu l'upirazziuni di siparazziuni dâ mimbrana si fannu giniralmenti a timpiratura ambienti, li sustanzi siparati mantènunu li sò prupità urigginali, mantinennu lu culuri, l'aroma, lu sapuri, la nutrizziuni e la trama dû manciari urigginali e mantinennu l'attività di l'ingridienti attivi. Havi n'auta silittività, nu prucessu upirativu sèmplici, n'ampia gamma di applicazzioni e nu cunsumu vasciu d'enirgìa, accussì pò èssiri usatu assai ntâ pruduzzioni di manciari. La siparazziuni dî mimbrani cumparìu ntà l'iniziu dû vintèsimu sèculu e criscìu rapidamenti mpurtanti doppu l'anni sissanta. La tecnuluggìa di siparazzioni di mimbrani, chî so funzioni di siparazzioni, cuncintrazzioni, purificazzioni e raffinazzioni, accussì comu la so auta efficienza, risparmiu d'energia, prutizzioni di l'ambienti, filtrazzioni a liveḍḍu muliculari e prucessu di filtrazzioni sèmplici e fàcili di cuntrullari, fu ampiamenti usata nnâ midicina. nnustria chìmica, mitallurgìa, enirgìa, pitròliu, trattamentu di l'acqui, alittrònica, biònica e àutri campi, ginirannu enormi binifìci ecunòmici e suciali e addivintannu unu dî mezzi cchiù ‘mpurtanti nnâ scienza dâ siparazzioni oggi.
